‘ది ఫ్యామిలీ మేన్ 2’ సినిమాని నిషేధించాలని తమిళనాడులో రగడ మొదలైంది. ఎంపీ వైకో కూడా అదే డిమాండ్ చేశారు. దాంతో ఈ సిరీస్ సృష్టికర్తలు అధికారికంగా వివరణ ఇవ్వక తప్పలేదు. ‘ది ఫ్యామిలీ మేన్ 2’ రూపకర్తలు రాజ్ నిడుమోర్, కృష్ణ డీకే.
“ది ఫ్యామిలీ మేన్ 2లో మెయిన్ పాత్ర పోషించిన సమంత తమిళ అమ్మాయి. అలాగే, ఈ సినిమా స్క్రిప్ట్ లో పనిచేసిన వారిలో తమిళీయులు ఉన్నారు. సాంకేతిక నిపుణుల్లో ఎక్కువమంది తమిళనాడుకి చెందిన వారే. తమిళీయుల మనోభావాలు మాకు తెలుసు. వాటిని గౌరవిస్తాం. ఈ సిరీస్ లో తమిళ వారిని కించేపరిచేలా ఒక్క సీను లేదు. సిరీస్ చూసిన తర్వాత ఇప్పుడు గొడవ చేస్తున్నవారే మెచ్చుకుంటారు,” అని రాజ్ నిడుమోర్, కృష్ణ డీకే అధికారిక ప్రకటన విడుదల చేశారు.
సమంత మాత్రం నిశ్శబ్దంగా ఉంది. ఈ వివాదం గురించి స్పందించేందుకు ముందుకురావడం లేదు. సిరీస్ ని ప్రోమోట్ చేస్తోంది. కానీ వివాదం గురించి మాత్రం మాట్లాడడం లేదు.
