“ఉప్పెన” సినిమాతో తెలుగు తెరకు పరిచయం అయ్యారు వైష్ణవ్ తేజ్, కృతి శెట్టి. అదే సినిమాతో స్టార్ డమ్ వచ్చింది వీరికి. ఈ జంటకిప్పుడు కమర్షియల్ యాడ్స్ పరంగా కూడా క్రేజ్ ఉంది. బ్రాండ్స్, షాప్ ఓపెనింగ్ వంటివి కూడా వీరికి జంటగా ఆఫర్లు వస్తున్నాయి.
తాజాగా వైజాగ్ లో ఒక మాల్ ఓపెనింగ్ కోసం ఈ జంట వెళ్ళింది. వీరికి యూత్ లో ఉన్న క్రేజ్ ని దృష్టిలో పెట్టుకొని ఆ మాల్ వీరిని జంటగా పిలిచింది. మంచి పారితోషికం ఇచ్చింది.సాధారణంగా ఇలాంటి ఈవెంట్స్ కి హీరోయిన్న్నో, హీరోనో మాత్రమే పిలుస్తారు. కానీ జంటగా పిలిచారంటేనే ఈ హిట్ పెయిర్ కి ఉన్న డిమాండ్ ఎలాంటిదో చెప్పొచ్చు.
అందుకే, ఇదే జంటని మళ్ళీ ఒక లవ్ స్టోరీలో రిపీట్ చేసి ఆ క్రేజ్ ని వాడుకుందామని ఒక ఫిలింమేకర్ తెగ ప్రయత్నిస్తున్నారు. కానీ వైష్ణవ్ తేజ్ ఇప్పటికే రెండు సినిమాలు ఒప్పుకున్నాడు. అవి పూర్తి అయ్యాకే, మిగతా సినిమాల గురించి ఆలోచిస్తానని దాటవేస్తున్నాడట. ఆ ఫిల్మ్ మేకర్ ప్రొపోజల్ కి ఒప్పుకోలేదట.
మరోవైపు, కృతి శెట్టి చేతిలో నాలుగు సినిమాలున్నాయి. అవన్నీ విడుదలకు సిద్ధంగా ఉన్నాయి.
