ఏ సినిమా ఎప్పుడు విడుదలవుతుందో ఎవరూ చెప్పలేని పరిస్థితి. బాలీవుడ్, కోలీవుడ్, టాలీవుడ్… అన్ని పరిశ్రమల్లోనూ ఇదే సీన్. ఐతే, ఇప్పుడు బాలీవుడ్ సినిమాలు దక్షిణాది సినిమాలను చూసి భయపడాల్సి వస్తోంది. మన సినిమాల డేట్స్ వాటికి పెద్ద ప్రాబ్లమ్ అయింది.
కన్నడ హీరో యష్ నటించిన “కేజీఎఫ్ 2” సినిమా ఏప్రిల్ 14న విడుదల కానుంది. అదే రోజున తన సినిమా వస్తుందని అమీర్ ఖాన్ ఇంతకుముందు ప్రకటించారు. ఐతే, తాజగా అమీర్ ఖాన్ పోటీనుంచి తప్పుకున్నట్లు వార్తలు వచ్చాయి. దాంతో వెంటనే ప్రెస్ స్టేట్మెంట్ ఇచ్చారు అమీర్ ఖాన్. ఏప్రిల్ 14 నుంచి తన ‘లాల్ సింగ్ చద్దా’ సినిమా తప్పుకోవడం లేదని స్పష్టం చేశారు. సో…. అమీర్ ఖాన్, యష్ మధ్య పోటీ తప్పదని చెప్పొచ్చు.
“కేజీఎఫ్ 2” సినిమాకి విపరీతమైన క్రేజ్ ఉంది. మొదటి భాగం అన్ని భాషల్లో హిట్ అయింది.
అమీర్ ఖాన్ ఇండియాలో సూపర్ స్టార్. కానీ, రీసెంట్ గా ఆయనకి సరైన హిట్ లేదు. గ్యాప్ కూడా చాలా వచ్చింది. అమీర్ ఖాన్ ఇప్పుడు భారీ హిట్ కొట్టాల్సిన అవసరం ఉంది.
